Minicollages

Over collage  14

Wie verploatsen ons noar haalf november  1948 noar koamer zeuven" van 't Hotel. t is donderdagoavond zo rond ain uur of  aachte. De bewoner van dizze koamer moakt zok kloar om noar beneden te goan want vandoage hebben zai "Societeit"  dat wil zeggen dat beneden twai toafels , aine in linker houke, aander in rechter houke,  kloarzet binnen om te koarten. Links: bridgen, rechts:kruusjassen.

Onze man, de olle hotelholder gait vanoavond kruusjassen.  Zesenszestig joar en al zeuven jaor woont hai op koamer zeuven. Hai mot even lachten as e dat zo bie zok zulf bedenkt.  Goud , noar beneden, nait meer zo veul  jonge kloare as de veurige keer, neemt e zok veur.  Je bennen gain zesendartig meer mor zesenzestig. Hai kiekt nog noar rechts noar oom Alko, bruir van zien overleden  vrouw (zeuven joar leden)., en Alko zulf   in  1918, de "Spaanse Griep"  Vragt zok nog even of wel van de twai  d'r beste aan tou is mor den dout e 't licht uut  : op noar de gelagkoamer.  In 't begun  mos e  wel wennen  aan nije  situoatie toun  zien zeun 't veur 't zeggen kreeg : Kleidjes op taofel. Woar is dat goud veur? Mor ja, nije tieden, net wat ie zeggen. Deur donkere gange hin, de koamers zes e vief aan rechterkaande even noar rechts en dan weer links, trap of.noar beneden.

Dou e deure van gelagkoamer open dee vuil hom direct op dat  er twai vremde lui bie buffet stonnen, zeun har, zo kwam hom dat veur, zo juust elk ain jonge inschonken. Zai kwamen nait von Knoal dat kon direct wel zain. Twai mannen goud in de kleren  en van zien leeftied, Hai zag zien zeun noar hom wiezen en zeggen "Daar is ie" . Op ains ging van dai kerels  mit veul pomparie  in de holding ston, bracht zien haand noar zien kop zoas soldoaten dat doun en begon te roupen :" Hoofd der kolonne rechts. Oude kerels weten het wel". En dou e dat zegt haar keken ze hom allemoal  asof d't wat van hom verlaangt wuir.Het wui echt stil in gelagkoamer en dou drongt pas tot hom deur en wuiren de ogen dai zoeven nog zo treurig noar het portret van oom Alko keken harren op ains springlevend.  Klaas Derksen en Theo van der Vliet raip e uut.      Ie kennen joe wel verstellen hou de rest van de oavond verlopen is. Dou hai al ver noa twaalfm wer noar boven ging zee e bie zok zulf. "t Is mie weer nait lukt om wat minder te drinken." En even laoter veur spaigel  bie wastoafel nam e zien glas  woar e normoal zien kunstgebid in dee as of e ain toost uutbracht , en zee tegen zok zulf "Proost Piet !