Leestoafel
Over collage 303
Ain poar doagen leden luip ik van oet 't Cultureel centrum "De Kromma Akkers"noar de Dykstroade woar ik woon en den kom ik altied laangs 't olle hotel woar ik geboren ben. Stait d'r nog altied, allend dai witte kalloage is verdwenen. Zait 'd'r nou weer net zo uut meer as tachtig jair leden. 't Interieur zoas d'r nou is liekt nog veul op dai van vrouger toun ik d'r woonde. Nait veul te doun, docht ik nog dou ik er voorbie luip. 't Licht boven leestoafel was aan. En toun kwam zomoar 't beeld van mien Pa bie mie nooar boven . September 1962 ik was net in dainst, ken best wezen dat 't ain van eerste keren west het dat ik met weekend verlöf thuus was. Wie zaten, mien Pa ain vrou dai ons huilp wanneer t'arg drok was en ik aan leestoafel. Ik mot d'r wat mui uutzain hebben want ik herinner mie dat mien Pa d'r wat van zee in de trant van in dainst wezen dat is nait zo mor wat doar komt toch hail wat bie kieken, Ik schoamde mie sikkom dat ik er zo mui en meeliewekkend uutzag. Ik was toch ain kerel en ik kon doar toch wel tegen , wat zollen we nou hebben. Loater heb ik mie realiseerd dat dit ain van spoarzoame momenten west het waorop mien Pa met compassie, respect noar mie keken het.. Zoas ik ain poar joar eerder op ain zoaterdag dat er kruusjassen was vanachter buffet in bovenzaol noar hom keken heb dou, zok wat ongemakkelyk vulend, hai de poedelpries uutraaikt kreeg .Het klinkt gek. Het was het eerste moment woarop ik mie met hom verwant vuilde. Dit mos mie even van 't haart.
