Minicollages

Over Knoal

Hai pakte zien dagbouk uut koffer, legde hom open veur zok op toafel en schreef boven aan bladziede  :Dunderdag 20 april 1950. Vandoage mit Gadobus 73 noar Knoal gaon. 't Wui mie wat te benauwd om  't haart. Mondag in t zunnetje zet vanwege mien viefentwintig joarig jubileum bie de fabriek, twai aigelieks drei kados kregen. 1. ain mooie vulpen woar ik nou mit schrief,dat zelst wel maarkt hebben,2  ain fototoustel en 3  rest van weke vrij  en kiek doar har ik nait om vraogd. Dinsdag en woensdag ging nog wel mor vanmörgen zoals ik zegd heb wuir 't mie wat te veul van wat wait nait mor 't wuir mie te veul, en ik kon  niks aans bedenken dan noar Knoal noar Hotel Panman te goan, In 1935 bennen wie doar ook west waist nog?Dien zuster Antje was overleden  Toun hadden we koamer tiene, ik ken nou volstoan mit koamer negen. Toun ik mie registreren luit vertelde ik hotelholder dat  wie hier ook vieftien joar leden west  waren. Ik vertelde hom dat we toun zo'n goud gesprek had harren  mit ain vraauw van onze leeftied Joa  zee e dat was mien moe. Pa was toun overspannen. Zai nam gedailtelyk het waark over. mor zie is overleden in maai 1941.Dou e mie dat verteld haar heb ik hom ook verteld dastoe al twai jaar dood bist. Hai kon zok die nog wel herinneren.Nou zit ik op koamer negen, as ik uut 't roam kiek zai de  weg noar Gasslternijveen. Mörgen goa ik mit mien nije fototoustel ain foto moaken van 't hotel vanaf dai kaande.

Tot schrievens